Yber uns
Wär sy mir?
s'Kuni usem Gundeli
Sängerin und Dichterin
s'Susi us dr Staine
Helgeträgerin
Syt wenn Gitts Uns?
s'Kuni usem Gundeli hett im 2019 ihre erschte Ufftritt gha imne Käller im Waldeburgertal. Am Ahfang isch sy ellaige underwäggs gsy an verschiedene Vorfasnachtsahläss und an dr Blätzbumser so wie an dr Basler Fasnacht.
Am Fasnachtsmittwuch hett sich ihres Hündli dr Rainer derzue gsellt als Helgeträger.
An de Nid-Fasnachte 2020 und 2021 isch s'Kuni glychwohl underwäggs gsy aber hald ellaige.
Im 2022 hett sy denn zwai Schnupperlehrling derby gha wo sich abgwächslet hänn mit Helge trage. E Waggis und e Chaise hänn s'Kuni abwächliggswyys beglaitet. Es sinn au meh Ufftritt derzue koh. So zem Byspil d Fasnacht z Chaiseraugscht und sälli in Prattele.
D Chaise hett denn dr Job vo dr Helgeträgere bykoh und haisst Susi. s'Susi isch e alti Fründin vom Kuni und kunnt us dr Staine. Syt 2023 gheert sy zem Bangg derzue und vervollständigt s Erschyynigsbild.
D Melodie hett sich in däne baar Jöörli amme gänderet.
Ahgfange mit dr Melodie wo s Stachelbeeri gha hett und mitem passende Örgeli derzue, hänn mir gwächslet ze "s isch so luschtig trallala la la, yberall d Schnurre dinne z ha". Dr Refrain sammt Melodie isch wieder gänderet worde. S Örgeli hett nomol e Fasnacht derfe erläbe mit dr Melodie vo de Käärnebigger.
Doch s Örgeli isch ändgültig verstummt... und mir hänn wieder d Melodie mitem Refrain wo mir scho mol gha hänn.
Sinn mir organisiert?
Mir sinn e wilde Bangg. Also in kainere Gsellschaft. Das haisst mir mache was mir wänn, wenn mir wänn, wo mir wänn und wie mir wänn.
Kah me uns au bueche?
