Zeedel 2024


Chaiseraugschter Fasnacht 2024

Salli zämme scheen sinn ihr do, 
Y hoff mir dien e Gspritzte bikoo, 
Ihr sehn y ha hit miese brèsiere, 
S hèt nit mol glängt zem d Bai rasiere. 

Fèèrtig mit Sponsoring bym FCB,
D’ Novartis sait ùff wiidersee,
die Buebe träffe nit mol mee d Latte,
Jetzt goots glyy zrùgg uff d’Schitzematte. 

Bym Autifaare ischs basiert,
Y ha my ùff d Waalplakat fixiert,
und wos holperet mèèrgg y gly,
das muess e Klimaglääber sy. 

Do mèèrgg y s isch jo nit so schlimm,
Und die Plakat hänn doch e Sinn. 

D Granggekasse dryybe d Prämie an d Spitze,
So wyt ùffe ych fang aa schwitze,
Wo ych das see, d’Idee isch do,
S’wär no glatt wurds im FCB so go.

Jä sie syt däne Hobbyländ-Barriere,
Macht deert im Coop e jede Kariere,
Als Jasskèènig kasch deert gross durestarte,
Währenddäm de duesch uff d Kunde warte.

Am Baanhof dängg y, mach e Raisli Kuni
Vorem Byyljeeautomat do stuuni,
Ych iberlègg und lyyd höllequale,
Wo stegg ych s’ goldvreneli dry zem zahle. 

Wo ych gseh ha was das Byyljee koschtet,
Ha ych gmaint  y haig grad d SBB bòschtet. 

Noch dr Liebrütti isch jetzt d Badi drah,
muesch fir d Pargggebühre Millione ha,
d Chaiseraugschter Störch könne sichs nimmi laischte dasch e Schaiss,
drumm sinn die Störch jo au so faiss.

Sie ych by au goo d Strosse bloggiere,
fir d Glychberächtigung goo demonstriere,
Mir Wyyber hänn uns duregsetzt allem aaschyyn aa,
Aber bis 65ig schaffe, das schysst my aa.

Die Junge si hytt nur no Niete,
Kain duet dir im Bus e Blatz aabiete,
Drumm loss ych männgmool ain faare oder zwai,
Denn han’y dr Bus fir mi ellai.

Identifiziersch du dy als Maa oder Frau,
Oder als Hund, Katz, Muus goht au,
Dä Genderwahn macht my grangg,
Ych by und blyb e Schnitzelbangg.

Hänn sies au gsee s Prattler s’Schotte-Röggli,
In Chaiseraugscht mit wysse Söggli,
S sy alli mit de Öv koh – ammel die maischte,
S kah sich niemer Chaiseraugschter Parggplätz laischte.

Wenn ych jetzt mit em Zèèdel due koo,
Wär ych asso schampar froh,
Wenn jede vo eych e baar Fränggli investiert,
Ich ha im Hobbyländ parkiert.

kunigundeli.ch | kuniusemgundeli@gmail.com

Basler Fasnacht 2024

Salli zämme scheen sinn ihr do,

Y hoff mir dien e Gspritzte bikoo,

Ihr sehn y ha hit miese brèsiere,

S hèt nit mol glängt zem d Bai rasiere.


Fèèrtig mit Sponsoring bym FCB,

D’ Novartis sait ùff wiidersee,

die Buebe träffe nit mol mee d Latte,

Jetzt goots glyy zrùgg uff d’Schitzematte.


Bym Autifaare ischs basiert,

Y ha my ùff d Waalplakat fixiert,

und wos holperet mèèrgg y gly,

das muess e Klimaglääber sy.


Do mèèrgg y s isch jo nit so schlimm,

Und die Plakat hänn doch e Sinn.


D Granggekasse dryybe d Prämie an d Spitze,

So wyt ùffe ych fang aa schwitze,

Wo ych das see, d’Idee isch do,

S’wär no glatt wurds im FCB so go.


Am Baanhof dängg y, mach e Raisli Kuni

Vorem Byyljeeautomat do stuuni,

Ych iberlègg und lyyd höllequale,

Wo stegg ych s’ goldvreneli dry zem zahle.


Wo ych gseh ha was das Byyljee koschtet,

Ha ych gmaint y haig grad d SBB bòschtet.


Y by nimmi zfriede mit mym Mässerset,

Dasch dr Grund wyso ych neui wett,

Die im Globus sy z tyyr im grosse ganze,

An dr Dreyroose hesch se gratis im Ranze.


Sie ych by au goo d Strosse bloggiere,

fir d Glychberächtigung goo demonstriere,

Mir Wyyber hänn uns duregsetzt allem aaschyyn aa,

Aber bis 65ig schaffe, das schysst my aa.


Die Junge si hytt nur no Niete,

Kain duet dir im Bus e Blatz aabiete,

Drumm loss ych männgmool ain faare oder zwai,

Denn han’y dr Bus fir mi ellai.


Identifiziersch du dy als Maa oder Frau,

Oder als Hund, Katz, Muus goot au,

Dä Genderwahn macht my grangg,

Ych by und blyb e Schnitzelbangg.


Wenn mir jetzt dien mit de Zèèdel koo,

Wäre mir no schampar froh,

Wenn ihr nit dien mit de Fränggli spaare,

Mir mien nämmli mit de ÖV haime faare.