Zeedel 2026

Basler Fasnacht 2026

 

Salli zämme scheen sinn ihr hitte alli do,

zem ain koo schnappe sy mir drey grad do aane koo,

drumm bitte mir eich jetzt uns e Gspritzte z bringe,

de bruuche mir zem bitzeli scheener kenne z singe.

 

Sie dängge sich sicher scho gopferdeggel noonemoole,

Wyso hänn die drey alte Pflutte de Schmugg im Louvre gstoole,

Mir sages numme kurz und knapp: s liggt nyt me in unsrem Budget drinn,

Syt mir letschti mitem Auto - dur Birsfälde gfaare sinn.

 

Sy sueche e neye Papst, dr alti dä isch gstorbe,

E mänge haig sich schyyns - uff de Job bewoorbe,

E Bewärbig kunnt schyyns au vom Basler Roothuus kurz und knabb,

Dr Eric Wäber gitt gläbb nit so schäll dr Löffel ab.

 

Die grieni Sibel will die griene Drämmli jetzt nimm see,

Drumm solls in Zuekunft in dr Stadt kaini Drämmli me gee,

Sott sich das so duure setze fände mirs dr Hit,

Nimmt s letsche wo uuse faart die Gummsle au grad mit.

 

Liebs Puplikum mir sage eich: bitte diend nit hässele,

Wenn mir drey noohär no - dur d Raihe geen goo kässele,

Dä Stutz wo mir denn gsammlet hänn - wird im Globus gschänggt,

Däne hett jo allem aa - fir d Deggi s Gäld nimm glänggt.

 

Sy sueche e neye Papst, dr alti dä isch gstoorbe,

E mänge haig sich schyyns - uff de Job bewoorbe,

dr Schawinski zieht sy Bewärbig zurugg – s duet ihm zwar bitz weeh,

er syg jo jetzte scho - dr Gott vom UKW.

 

Mir kenne e Päärli us dr Nochberschaft die sinn jetzt frisch liiert,

Jetzt erwaarte sy d Niederkunft bym flittere isch s passiert,

Gitts e Maitli oder e Biebli frooge mir die baide,

Das kaas jo wenns bitz älter isch sälber mool entschaide.

 

Sy sueche e neye Papst, dr alti dä isch gstoorbe,

E mänge haig sich schyyns - uff de Job bewoorbe,

Dr Thomas Gottschalk macht nit mit das alte Kalyyber,

Er haig zwar glaini Biebli gäärn doch lieber jungi Wyyber.

 

Hett e Frau mee Wärt - oder doch e Schoof,

e Schoof doch mee - als e Frau – die Diskussion isch doof,

ai Million dien sy stryyche vo dr Frau und gänns im «Meehh»,

und Quintessänz dervo: im Bundesbärn sinn alli «Beeehh».

 

Sy sueche e neye Papst, dr alti dä isch gstoorbe,

E mänge haig sich schyyns - uff de Job bewoorbe,

E Ammi gwinnt die Waal und drait jetzt die wyssi Kutte,

kai Angscht es isch nit dä wo ussseet wie e Arsch e blutte.

 

«e Vegans-Liedli»

 

«Y wett doch kai Veganer sy, Tofu isch nit guet,

isch doch glyych wenn ain - e Kälbli schlachte duet.

 

Unsri Goofe laade uns an dr Wiehnacht yy,

Tischgrill oder Chetau Briond jo das deerftis syy,

Mir hogge denn an grosse Tisch und hänn denn scho e Schogg,

s gitt Rööselikööl mit Tofu imne Wirsing-Rogg.

 

Y wett doch kai Veganer sy, Tofu isch nit guet,

isch doch glyych wenn ain - e Hääsli schlachte duet.

 

Das Menü isch nit wirggligg guet mir dängge numme iiii,

jetzt hätte mir doch gäärn e Schlüggli guete Wyy,

mir luege denn uff s Ettigett hösch das isch e Waan,

dä Chateu nöff dü Babb isch jo au Vegan.

 

Y wett doch kai Veganer sy, Tofu isch nit guet,

isch doch glyych wenn ain - e Rehli schlachte duet.

 

Sy bringe uns e Dessert denn Panna Cotta sott das sy,

Soja Rahm wo Fairtrade isch kääm do schyyns no dryy,

Geladine us - somne Algeschlyymgeflächt,

wenn das gheersch wird dir jo gopferdoori schlächt.

 

Y wett doch kai Veganer sy, Tofu isch nit guet,

isch doch glyych wenn ain - e Säuli schlachte duet.

 

Goosch in Migros hauts dy um s isch aifach nur zem flueche,

wettsch e Bolle Flaisch muesch zwische Körnli und Linse sueche,

ussversee längsch drnääbe dyhaim byssisch dryy,

und hesch denn s Gfyyl das miessti e Bolle Knätti syy.

 

Y wett doch kai Veganer sy, Tofu isch nit guet,

isch doch glyych wenn ain - e Schööfli schlachte duet.

 

Im Laade gitts jo nyyt me rächts wäg däne Veganischte,

mir hänn se uff dr Latte die Birkestoggfetischischte,

finde mir im Laade kai Flaisch me – mien mir gottvergässe,

aafoo die Veganer aifach sälber z frässe.

 

Y wett doch kai Veganer sy, hösch jetzt isch denn gnue,

wenn aine sait er syg vegan, jä denn byss y zue!»

 

Laider mien mir Gritte jetzt scho wieder goo,

mir hätte gäärn mit eich au no aine gnoo,

wenn s eich gfalle hett – wie mir eich underhalte,

verzellets wyter und wenn nit diend aifach d Schnurre halte.

Prattler Fasnacht 2026

 

Salli zämme scheen sinn ihr hitte alli do,

zem ain koo schnappe sy mir drey grad do aane koo,

drumm bitte mir eich jetzt uns e Gspritzte z bringe,

de bruuche mir zem bitzeli scheener kenne z singe.

 

Sie dängge sich sicher scho gopferdeggel noonemoole,

Wyso hänn die drey alte Pflutte de Schmugg im Louvre gstoole,

Mir sages numme kurz und knapp: s liggt nyt me in unsrem Budget drinn,

Syt mir letschti mitem Auto - dur Birsfälde gfaare sinn.

 

Sy sueche e neye Papst, dr alti dä isch gstorbe,

E mänge haig sich schyyns - uff de Job bewoorbe,

E Bewärbig kunnt schyyns au vom Basler Roothuus kurz und knabb,

Dr Eric Wäber gitt gläbb nit so schäll dr Löffel ab.

 

Do letschti dräffe mir d Nicole Biegger aa,

mir dängge no sy haigi s Uränggeli im Waage ghaa,

mir hänn denn gschnurrt und gschnurrt und mergge nochre Stund,

dasch gar kai Goof im Wäägeli nai das isch dr Hund.

 

Sy sueche e neye Papst, dr alti dä isch gstoorbe,

E mänge haig sich schyyns - uff de Job bewoorbe,

dr Schawinski zieht sy Bewärbig zurugg – s duet ihm zwar bitz weeh,

er syg jo jetzte scho - dr Gott vom UKW.

 

Mir kenne e Päärli us dr Nochberschaft die sinn jetzt frisch liiert,

Jetzt erwaarte sy d Niederkunft bym flittere isch s passiert,

Gitts e Maitli oder e Biebli frooge mir die baide,

Das kaas jo wenns bitz älter isch sälber mool entschaide.

 

Dä Syydebolle usem Fäärnsee dä Telegfasel Schnurrer,

Isch jetzt im Fasnachtskomitee dä siessi Yannik Furrer,

So verjüngt me s Komitee z mindischt wär das s Zyyl,

Und s näggst Joor kunnt denn no derzue - dr Dani vo Wattewyl.

 

Sy sueche e neye Papst, dr alti dä isch gstoorbe,

E mänge haig sich schyyns - uff de Job bewoorbe,

Dr Thomas Gottschalk macht nit mit das alte Kalyyber,

Er haig zwar glaini Biebli gäärn doch lieber jungi Wyyber.

 

Hett e Frau mee Wärt - oder doch e Schoof,

e Schoof doch mee - als e Frau – die Diskussion isch doof,

ai Million dien sy stryyche vo dr Frau und gänns im «Meehh»,

und Quintessänz dervo: im Bundesbärn sinn alli «Beeehh».

 

Dr Lüdin Peter well schyyns s Fasnachtskomitee verloo,

Uff s Alter hett er neyi Plään - drumm well er jetzt goo,

Me waiss ass er scho Sprooche lernt - s duet ihm zwoor bitz stingge,

Doch er well in Rom - EIMOOLIG abem Balkon wingge.

 

Sy sueche e neye Papst, dr alti dä isch gstoorbe,

E mänge haig sich schyyns - uff de Job bewoorbe,

E Ammi gwinnt die Waal und drait jetzt die wyssi Kutte,

kai Angscht es isch nit dä wo ussseet wie e Arsch e blutte.

 

«e Vegans-Liedli»

 

«Y wett doch kai Veganer sy, Tofu isch nit guet,

isch doch glyych wenn ain - e Kälbli schlachte duet.

 

Unsri Goofe laade uns an dr Wiehnacht yy,

Tischgrill oder Chetau Briond jo das deerftis syy,

Mir hogge denn an grosse Tisch und hänn denn scho e Schogg,

s gitt Rööselikööl mit Tofu imne Wirsing-Rogg.

 

Y wett doch kai Veganer sy, Tofu isch nit guet,

isch doch glyych wenn ain - e Hääsli schlachte duet.

 

Das Menü isch nit wirggligg guet mir dängge numme iiii,

jetzt hätte mir doch gäärn e Schlüggli guete Wyy,

mir luege denn uff s Ettigett hösch das isch e Waan,

dä Chateu nöff dü Babb isch jo au Vegan.

 

Y wett doch kai Veganer sy, Tofu isch nit guet,

isch doch glyych wenn ain - e Rehli schlachte duet.

 

Sy bringe uns e Dessert denn Panna Cotta sott das sy,

Soja Rahm wo Fairtrade isch kääm do schyyns no dryy,

Geladine us - somne Algeschlyymgeflächt,

wenn das gheersch wird dir jo gopferdoori schlächt.

 

Y wett doch kai Veganer sy, Tofu isch nit guet,

isch doch glyych wenn ain - e Säuli schlachte duet.

 

Goosch in Migros hauts dy um s isch aifach nur zem flueche,

wettsch e Bolle Flaisch muesch zwische Körnli und Linse sueche,

ussversee längsch drnääbe dyhaim byssisch dryy,

und hesch denn s Gfyyl das miessti e Bolle Knätti syy.

 

Y wett doch kai Veganer sy, Tofu isch nit guet,

isch doch glyych wenn ain - e Schööfli schlachte duet.

 

Im Laade gitts jo nyyt me rächts wäg däne Veganischte,

mir hänn se uff dr Latte die Birkestoggfetischischte,

finde mir im Laade kai Flaisch me – mien mir gottvergässe,

aafoo die Veganer aifach sälber z frässe.

 

Y wett doch kai Veganer sy, hösch jetzt isch denn gnue,

wenn aine sait er syg vegan, jä denn byss y zue!»

 

Laider mien mir Gritte jetzt scho wieder goo,

mir hätte gäärn mit eich au no aine gnoo,

wenn s eich gfalle hett – wie mir eich underhalte,

verzellets wyter und wenn nit diend aifach d Schnurre halte.

Chaiseraugschter Fasnacht 2026

 

Salli zämme scheen sinn ihr hitte alli do,

zem ain koo schnappe sy mir drey grad do aane koo,

drumm bitte mir eich jetzt uns e Gspritzte z bringe,

de bruuche mir zem bitzeli scheener kenne z singe.

 

Sie dängge sich sicher scho gopferdeggel noonemoole,

Wyso hänn die drey alte Pflutte de Schmugg im Louvre gstoole,

Mir sages numme kurz und knapp: s liggt nyt me in unsrem Budget drinn,

Syt mir letschti mitem Auto - dur Birsfälde gfaare sinn.

 

Liebs Puplikum mir sage eich: bitte diend nit hässele,

Wenn mir drey noohär no - dur d Raihe geen goo kässele,

Dä Stutz wo mir denn gsammlet hänn - wird de Fotzelschnitte gschänggt,

Däne hett jo allem aa - fir unsri Gaasche s Gäld nimm glänggt.

 

Sy sueche e neye Papst, dr alti dä isch gstoorbe,

E mänge haig sich schyyns - uff de Job bewoorbe,

dr Schawinski zieht sy Bewärbig zurugg – s duet ihm zwar bitz weeh,

er syg jo jetzte scho - dr Gott vom UKW.

 

Mir kenne e Päärli us dr Nochberschaft die sinn jetzt frisch liiert,

Jetzt erwaarte sy d Niederkunft bym flittere isch s passiert,

Gitts e Maitli oder e Biebli frooge mir die baide,

Das kaas jo wenns bitz älter isch sälber mool entschaide.

 

An däm Musical - au wenns uns bitzli grüüserlet,

Hänn s Käthi und s Martina uff dr Bühni umme gschmüüserlet,

Die halbi Chaiseraugschter Fasnacht macht mit und dasch s gemaine,

An uns drey alte Pflutte dänggt wieder ainisch kaine!

 

Sy sueche e neye Papst, dr alti dä isch gstoorbe,

E mänge haig sich schyyns - uff de Job bewoorbe,

Dr Thomas Gottschalk macht nit mit das alte Kalyyber,

Er haig zwar glaini Biebli gäärn doch lieber jungi Wyyber.

 

Hett e Frau mee Wärt - oder doch e Schoof,

e Schoof doch mee - als e Frau – die Diskussion isch doof,

ai Million dien sy stryyche vo dr Frau und gänns im «Meehh»,

und Quintessänz dervo: im Bundesbärn sinn alli «Beeehh».

 

Sy sueche e neye Papst, dr alti dä isch gstoorbe,

E mänge haig sich schyyns - uff de Job bewoorbe,

E Ammi gwinnt die Waal und drait jetzt die wyssi Kutte,

kai Angscht es isch nit dä wo ussseet wie e Arsch e blutte.

 

«e Vegans-Liedli»

 

«Y wett doch kai Veganer sy, Tofu isch nit guet,

isch doch glyych wenn ain - e Kälbli schlachte duet.

 

Unsri Goofe laade uns an dr Wiehnacht yy,

Tischgrill oder Chetau Briond jo das deerftis syy,

Mir hogge denn an grosse Tisch und hänn denn scho e Schogg,

s gitt Rööselikööl mit Tofu imne Wirsing-Rogg.

 

Y wett doch kai Veganer sy, Tofu isch nit guet,

isch doch glyych wenn ain - e Hääsli schlachte duet.

 

Das Menü isch nit wirggligg guet mir dängge numme iiii,

jetzt hätte mir doch gäärn e Schlüggli guete Wyy,

mir luege denn uff s Ettigett hösch das isch e Waan,

dä Chateu nöff dü Babb isch jo au Vegan.

 

Y wett doch kai Veganer sy, Tofu isch nit guet,

isch doch glyych wenn ain - e Rehli schlachte duet.

 

Sy bringe uns e Dessert denn Panna Cotta sott das sy,

Soja Rahm wo Fairtrade isch kääm do schyyns no dryy,

Geladine us - somne Algeschlyymgeflächt,

wenn das gheersch wird dir jo gopferdoori schlächt.

 

Y wett doch kai Veganer sy, Tofu isch nit guet,

isch doch glyych wenn ain - e Säuli schlachte duet.

 

Goosch in Migros hauts dy um s isch aifach nur zem flueche,

wettsch e Bolle Flaisch muesch zwische Körnli und Linse sueche,

ussversee längsch drnääbe dyhaim byssisch dryy,

und hesch denn s Gfyyl das miessti e Bolle Knätti syy.

 

Y wett doch kai Veganer sy, Tofu isch nit guet,

isch doch glyych wenn ain - e Schööfli schlachte duet.

 

Im Laade gitts jo nyyt me rächts wäg däne Veganischte,

mir hänn se uff dr Latte die Birkestoggfetischischte,

finde mir im Laade kai Flaisch me – mien mir gottvergässe,

aafoo die Veganer aifach sälber z frässe.

 

Y wett doch kai Veganer sy, hösch jetzt isch denn gnue,

wenn aine sait er syg vegan, jä denn byss y zue!»

 

Laider mien mir Gritte jetzt scho wieder goo,

mir hätte gäärn mit eich au no aine gnoo,

wenn s eich gfalle hett – wie mir eich underhalte,

verzellets wyter und wenn nit diend aifach d Schnurre halte.